Málfar íslenskra blaðamanna..

Ég er nú ekki vanur að tuða yfir þessu, en fyrirsögnin "Leit hafin vegna torkennilegs ljóss" hentar vægast sagt ekki, þar sem leit var hætt í gærmorgun.

Leit hafin vegna torkennilegs ljóss

Athugasemdir

[Ingibjörg Axelma Axelsdóttir, 4.4.2010 kl. 17:58]

Hví virkar þetta ekki?

Leit var hafin. Þeir hófu leit. Orðið eitt og sér gefur ekki til kynna að þetta hafi gerst rétt í þessu. 

[Anna Sigríður Guðmundsdóttir, 4.4.2010 kl. 18:08]

Leit lokið hefði passað við heildar-myndina.

Það er verið að troða þátíð, nútíð og framtíð inn í grunnskóla-nemendur á Íslandi í mörg ár, og þó kunna þessir nemendur ekki meir þegar alvara lífsins tekur við?

Áfellisdómur á grunnskóla-kerfið og ekki seinna vænna að athuga hvað er verið að kenna, eða ekki kenna, í grunnskólum landsins! M.b.kv. Anna

[Anna Ragnhildur, 4.4.2010 kl. 21:28]

"Hófu leit vegna torkennilegs ljóss" væri betra, semsagt þátíð.

[Sindri Karl Sigurðsson, 4.4.2010 kl. 23:41]

Það má skóla þessa blaðamenn til í íslensku, málfarsvillurnar eru stundum svo fáránlegar að það keyrir um þverbak.

Ekki að ég sé snillingur í málfræði en mér finnst ekki gott að sjá íslenskri málfræði troðið um tær í fjölmiðlum. Þar ætti að vera gert hærra undir fæti en almennt. Ritstjórar ættu að taka þetta til sín og laga til, sjálfir, villupúki getur aldrei skilað réttri íslensku.

[Gísli Sigurður, 5.4.2010 kl. 01:28]

Ingibjörg.

Finndist þér ekkert bogið við að sjá fyrirsögnina

"Jólahátið hafin" við frétt skrifaða í apríl sem fjallar um síðustu jól?

[Gísli Sigurður, 5.4.2010 kl. 01:29]

Og mikið rosalega er ég fylgjandi þessari athugasemd þinni Anna.

Eins og sagt úr mínum munni..

[Guðmundur Júlíusson, 5.4.2010 kl. 01:35]

Þið eru það sem ég kalla, blablabloggara, rífist um hluti sem engin skilur!

[Óskar Arnórsson, 5.4.2010 kl. 01:57]

Þetta leiðinda snobb yfir íslenska málinu er alveg kostulegt. Mikið hlýtur það að hafa tekið á að venja fólk af rúnaletri í gamla daga. Eða hávamáli. Mál til komið að leggja niður þetta íslenska fornmál og setja á þjóðmynjasafnið innan um hinar beinagrindurnar....og fara að tala eins og fólk.

[Bjöggi (IP-tala skráð) 5.4.2010 kl. 12:58]

Málfarið á mbl.is hefur verið mjög lélegt núna undanfarið. Pórfarkalesarinn er örugglega í páskafríi.

Það eru vímur úti að aka, það er skyggniskortur og svo eru póstar að vakta leiðina upp á fimmvörðuháls og ég veit ekki hvað og hvað. 

[Friðrik Gunnar Berndsen (IP-tala skráð) 5.4.2010 kl. 15:32]

Mér finnst þetta alveg til háborinar skamar hvernig blaðamen skrifa í dag, sjálfur var ég alltaf með 10 í íslensku í skólanum en fékk ekki vinnu sem blaðamaður, er bara einkaþjálfari í dag og er sá besti sem völ er á á íslandi í dag. með von um úrbætur bæði hjá mogganum og vísi.

[Friðrik Árni Friðriksson (IP-tala skráð) 5.4.2010 kl. 15:34]

Þetta getur þýtt hvort tveggja "Leit er hafin" og "Leit var hafin", enda vantar sögnina "er" í fyrirsögninni. Þannig að það er ekkert rangt við þetta.

[Friðrik Árni Friðriksson (IP-tala skráð) 5.4.2010 kl. 15:35]

Sögnina "að vera" vantar vildi ég sagt hafa.

[Hahaha (IP-tala skráð) 5.4.2010 kl. 15:40]

Þetta er best í heimi. Menn sem eru sér til háborinnar skammar og varla skrifandi á íslensku. Sem betur fer Friðrik minn fékkstu ekki vinnu sem blaðamaður :) þá værir þú ekki sá besti sem völ er á á á á á.

[Krímer (IP-tala skráð) 5.4.2010 kl. 20:34]

Hvað er Hahaha að troða sér hér inn, ég segi nú ekki annað

Andskotans frekja og yfirgangur

[Gísli Sigurður, 5.4.2010 kl. 22:09]

Friðrik, þessi rök hjá þér eru svo sem alveg rétt samkvæmt íslenskum orðabókum.

Aftur á móti er ég að dæma málfar og framsetningu.

Það að segja að eitthvað sé hafið þegar því er í raun og veru lokið er hálf kjánalegt.

Það verður að viðurkennast.

Ég bendi á fyrstu athugasemd mína.

Og Guðmundur, ég bara verð.

Að tuða yfir tuði, er það ekki verra ? :)