Hugrenningar

Þvílíkt og annað eins...

Við borum göt á fjöll, við sprengjum þverhnípta dali og fyllum þá af vatni, við breytum strandlengjunni með landfyllingum, við búum til verslunarhverfi á hraunuðu verndarsvæði í Heiðmörk, við víkkum Þrengslin með því að brjóta fjöllin þar og notum í möl.
-En bændur, vinsamlegast stígið ekki á grasið, því þið gætuð eyðilagt það.

Fjór- og sexhjól tæta mjög lítið upp eftir sig ef vel er ekið á þeim. Þau eru í langflestum tilvikum mun léttari heldur en fullvaxta hestur. Hesturinn skeiðar og hoppar á gróðurlendinu á meðan hjólin aka fremur mjúklega yfir. Þau auðvelda fjárgöngur einnig mjög til muna.

Hvers konar tuð- og væluskapur er þetta? Ekki veit ég betur heldur en að flestar göngur fari mestmegnis fram á grænu grasi, en ekki yfir moslendi eða slíkan viðkvæman gróður.

Yfir öllu má nú tuða. Svo tuða ég yfir tuði. Glæsilegt.