Só what ?

Það er ekki eins og þetta sé eitthvað nýtt.

Hvað eiga fyrirtæki að gera ef þau mega ekki auglýsa sína vöru með slíkum aðferðum?
Blablabla óhollt þetta óhollt hitt. Get over it. Líkaminn ÞARF LÍKA óholl efni.

Sykur er óhollur, skemmir tennurnar og allt það rugl, en líkaminn VERÐUR að fá sykur!
Þannig er það bara.

Eins með öll hin soraefnin, sem m.a. finnast í McDonalds! 

Ætti þá líka að banna auglýsingar um hjálpartæki ástarlífsins eftir klámmyndir ef þær væru í íslensku sjónvarpi? Bara af því að fullorðna fólkið er orðið vitstola af kynæsingi og gæti skroppið útí búð og keypt sér einhverja dellu?

 Nei ég bara spyr!

Helv. múgæsingur sem alltaf er verið að reyna að koma af stað!
Það er EKKERT athugavert við þessar auglýsingar.
Börnin sjá auglýsingarnar, fara til mömmu og pabba og spurja "máfá maggdónalð"?
Foreldrarnir geta síðan svarað því eins og þeim hentar!
Fólk lætur alltaf eins og það hafi ekki sjálfstæðan vilja! Að auglýsingar heilaþvoi fólk
sem getur engan veginn bjargað sér!

 Ég veit að það á einhver eftir að segja ; "blabla, þá verða börnin brjáluð, ef við neitum"

þá segi ég.. "greinilegt að það sé ekki foreldrið sem ræður ferðinni á þínu heimili" 

Þvílíkt og annað eins rugl...

hvað finnst þér ?? 

Auglýsa skyndibita á undan barnatíma RÚV

Athugasemdir

[bla (IP-tala skráð) 26.9.2007 kl. 08:37]

Þetta er náttúrulega bara heimskulegt hjá þér, því miður... Þetta snýr að því að það er bannað að auglýsa sérstaklega fyrir börn.  Börn eru talsvert ahrifagjarnari en fullorðið fólk og þessvegna er þetta bæði bannað og siðlaust.  Það er einnig fullljóst á þessum skrifum hjá þér að þú ert barnlaus.

[María (IP-tala skráð) 26.9.2007 kl. 08:50]

Á mínu heimili eru það foreldrarnir sem ráða og þriggja ára sonur okkar fær ekki að borða það sem McDonalds býður uppá (fæ ekki af mér að kalla það mat.) Hefur þú séð þessar auglýsingar? Það er í raun verið að auglýsa dótið sem fæst með því að kaupa barnamat á staðnum. Að mínu mati eru þetta auglýsingar sem beinast að börnum og ég hélt að þær væru bannaðar. Ég hafði greinilega rangt fyrir mér.

[Jónþór (IP-tala skráð) 26.9.2007 kl. 08:57]

Ég er ekki alveg að skilja þetta. Okey það er verið að auglýsa vörur sem beinast sérstaklega að börnum. En ég segi bara eins og höfundur. so what!!!

Þið foreldrar ákveðið hvað börnin ykkar borðið. Ef að þið viljið ekki að börn ykkar borðið McDonalds þá bara ekki kaupa svona skyndibita fyrir börnin ykkar. Svo einfalt er það.

[Ævar Þórólfsson (IP-tala skráð) 26.9.2007 kl. 10:39]

Það er svo margt undarlegt í þessari færslu að ég veit varla hvar ég á að byrja.

Í fyrsta lagi eru Gísli Sigurður og Jónþór greinilega barnlausir. Auðvitað ráða foreldrarnir á heimilinu en svona síendurteknar auglýsingar setja foreldra í mjög leiðinlegt hlutverk. Börn eru mjög áhrifagjörn og svona auglýsingar segja þeim að McDonalds sé æðislegt. Svo líður að afmæli og það er orðið heitasti draumur barnsins að afmælið sé haldið á McDonalds. Hef sjálfur lent í þessu en neitað, sem kostaði hins vegar það að ég kramdi stærstu ósk barnsins og það er ávallt erfitt fyrir foreldra að horfa upp á niðurbrotið barn. Þessar auglýsingar hafa líka mótunaráhrif að því leyti að þegar barnið er komið á þann aldur að geta valið sjálft hvað það borðar í einstökum máltíðum, t.a.m. þegar það fer í Kringluna með vinum, þá hefur McDonalds ávallt jákvæð formerki í huga barnsins. Þetta er ekki bara spurning um eitt og eitt skipti sem barnið suðar um Makkann, heldur þau mótunaráhrif sem þetta hefur. Þú hefur greinilega svo rosalega sjálfstæðan vilja að þú mótast innan frá, við flest hin mótumst af hinum ýmsu áhrifum í samfélaginu. Auðvitað hefur ein auglýsing takmörkuð áhrif en síendurtekin birting mótar smám saman huga okkar. Þetta er svokallað herminám, sem við notum einmitt til að læra allt sem við kunnum. Upplýsingar dynja á okkur og síast inn, smám saman.

Í öðru lagi er næringarfræðin af skornum skammti í þessari færslu. Hvítur sykur er okkur ekki nauðsynlegur, langt í frá. Við komumst vel af án sykurs. Við fáum kolvetnin okkar bara úr öðrum og hollari mat. Til dæmis ávöxtum. Annað drasl í Makkanum er okkur heldur ekki nauðsynlegt, til dæmis transfitusýrur. Öll efni í Makkanum er hægt að fá með öðrum leiðum og ekki eins hitaeiningaríkum. Það er rétt að flest efni í Makkanum eru okkur nauðsynleg, t.d. salt, prótein, kolvetni, fita o.s.frv., en hlutföllin eru svo skökk í makkanum að við fáum of mikið af einu en of lítið af öðru.

Í þriðja lagi virðist það alveg hafa gleymst að í heiminum ríkir offitufaraldur. Ekki vandamál, heldur faraldur. Þótt Gísli Sigurður geti verið í góðu formi þá er um 60% fullorðinna of þungir og offita er að aukast gríðarlega hjá börnum. Þótt okkur þyki sjálfsagt að fólk taki bara sínar ákvarðanir í tómarúmi og allar ákvarðanir séu skynsamlegar, þá er það bara ekki svo. Ástandið sýnir okkur það mjög greinilega. Að segja að þetta sé bara vandamál þessara 60% fullorðinna er barnalegt. Þetta er samfélagslegt vandamál sem fylgir gríðarlegur kostnaður fyrir okkur öll. Eitthvað þarf að gera og þetta er einn liður í átakinu.

Í fjórða lagi er samlíkingin við hjálpartæki ástarlífsins út í hött, því notkun kynlífstækja er ekki vandamál, hvað þá faraldur.

Þetta finnst mér.