The creation of Adam

Ég hafði aldrei velt fyrir mér staðsetningu þessa merka málverks áður en ég stóð undir því í Sixtínsku kapellunni í Vatíkaninu. Verkið er í lofti kapellunnar fyrir miðju. Það er ekki hægt að lýsa þessu undri sem Vatíkanið er.
Verkið er svo stórt, en sköpun Adams er einungis brotabrot af málverkinu sem þekur loft kapellunnar.

Ég fór víða um Ítalíu árið 2008 og sá því mjög mikið af verkum Michaelangelo. Þessi maður hefur verið þvílíkur snillingur að orð fá því ekki lýst. Sum verk hans, þ.m.t. málverkið í Sixtínsku kapellunni ásamt mörgum öðrum í því gígantíska ferlíki sem Vatíkanið er, eru svo vel gerð að maður hreinlega skilur ekki hvernig maðurinn fór að þessu.

Sum verkin eru svo eðlileg og náttúruleg, að það næsta liggur við að maður kalli þau ljósmynd. Svo vel eru þau gerð. Varðveitingin er líka hreint út sagt yfirnáttúruleg. Verkin eru þannig útlítandi að fávitur maður gæti ekki sagt til um hvort þau hefðu verið máluð í fyrra, eða 1511 eins og raunin er. Það má hins vegar benda á að Sköpun Adams, ásamt öllu lofti kapellunnar, var gerð upp árið 1979, en þá voru verkin farin að láta á sjá.

Ég mæli það hverjum manni sem vill heyra, að ferð í Vatíkanið er eitthvað sem allir verða að fara áður en lífinu lýkur. Að sjá meistaraverkin sem eru þarna inni, ásamt stærð byggingarinnar sjálfrar og kirkjunum og kapellunum sem þar eru, er eitthvað sem verður ekki lýst með orðum, og ekki einu sinni með myndum.
Ég horfði á Angels and Demons á Stöð2 í gær og þar var ég minntur á hversu ótrúleg stærð St. Péturskirkju er í raun. Manni líður eins og algjöru rykkorni þarna inni, og tilfinningin að líta þar til lofts er gjörsamlega úr öðrum heimi. Svo mikil er stærðin. Ég í hreinskilni sagt skil ekki hvernig þetta var byggt fyrir rúmum 500 árum. Ég hreinlega skil það ekki.

Hefur þú farið í Vatíkanið? Endilega deildu reynslu þinni.
Ég mun fara þangað aftur í náinni framtíð, og ég hlakka mjög svo til. Ég get ekki beðið.

Kveðja
Gísli Sigurður

Meirihluti trúir á framhaldslíf

Athugasemdir

[Nafnlaus (IP-tala skráð) 25.4.2011 kl. 22:25]

Tja, benda má á að Vatikanið er minna en t.d. Angkor Wat (hallargarðurinn meðtalinn) í Kambódíu sem er ca. 1000 ára gamalt. Auk þess er Sankti Péturskirkjan, að mig minnir, minni en Hagia Sofia moskan í núverandi Istanbúl sem er 1600 ára gömul.

[Jón Steinar Ragnarsson, 26.4.2011 kl. 01:05]

Það er ein snilld í verki Michaelangelo's sem ekki er mikið haldið á lofti. Guð og allir hans herskarar eru umvafðir klæði, sem blaktir í vindinum.  Ef betur er að gáð, þá má sjá að þetta klæði skapar umgjörð, sem nákvæmlega í laginu eins og heili.

Skilaboðin: Guð og öll hans hirð er hugarburður.

Einnig má leggja merkingu í það að fingur almættisins snertir ekki Adam. Þ.e. Guð kom þar hvergi nærri.

Það er vert að hafa það í huga að Michaelangelo var ekki trúaður og sama máli gengdir raunar um Leonardo Da Vinci, sem faldi líka alskyns ábendingar og efasemdir í verkum sínum.